Laurdag klokka 13:00 møter vi Hødd til treningskamp heime på kunstgraset. Kamper går utan tilskodarar, men Sunnmørsposten sender kampen.
I morgon spelar vi første kamp etter at koronaen sette ein effektiv stoppar for kontaktidrett midt i mars. Såleis er det ein spent gjeng som gledar seg til å få på seg drakta igjen til laurdagens kamp heime mot Hødd.
For den som hugsar så tapte vi 4-0 borte mot Hødd i treningskamp på Høddvoll i februar. Dette var ein kamp våre karar var svært lite nøgde med i etterkant. Dei er nok klare for å vise seg frå ei betre side i morgon.
Vi stiller med nær full stall til kampen. Simon Tomren er framleis uaktuell og Niklas Rekdal er tvilsam etter ein skade i ankelen. Marius Refsnes måtte stå over nokre økter tidleg i veka, men kan vere klar til dyst mot dei blå frå Søre Sunnmøre.
Grunna reglane i høve oppstart av fase 3 så er det ikkje tillate med tilskodarar til kampen. Vi oppmodar difor alle om å sjå kampen hos Sunnmørsposten. Det blir også oppdatering via facebook/twitter.
Foto: Andreas Bjerknes, Vikabladet