Første omgang
Utgangspunktet før kampen mellom Hødd og Brattvåg var klart; Hødd absolutt burde vinne om dei ville henge med i kampen om kvalifisering til opprykk, medan Brattvåg hadde mykje prestisje å spele om.
Tidleg Hødd-leiing
Allereie etter fem minutt går heimelaget i føringa. Ei svak klarering blir slått høgt opp i lufta. Melvin Firthzell tar ballen nydeleg ned og bankar den inn bak Stanko. Det opplevast som eit svært unødvendig baklengsmål. Samstundes er det to gode touch av Hødd-spissen når han først får muligheita. Ei tidleg Hødd-scoring var det vi kunne frykte mest. Det opplevde vi også i august og følte at vi måtte jage heile kampen og fekk aldri spelet til å gli.
Heldigvis svarte gutane på ein annan måte denne gongen. Ikkje lenge etter scoringa har Agwa Obiech ein god sjanse etter godt slått frispark frå Ola Husby. Dessverre går Agwa si heading like over heimelaget sitt mål.
Flott utlikning
Etter halvtimen er det vår eminente midtbanetrio som ordnar utlikning. Emil Dahle vendar seg vekk frå press ved midtstreken. Han spelar flott opp til Ola som har funne seg plass i mellomrommet. Han spelar vidare til Sami Kamel. Han fyrer av frå 20 meter. Han får kjempetreff og bankar ballen i nota og utliknar til 1-1. Sami sitt sjette mål som midtbanespelar i år. Samtidig det første sidan dobbelen mot Fløya 13. september.